جمال

أفضل 10 أنواع بودرة للبشرة الجافه

أفضل 10 أنواع بودرة للبشرة الجافه . كتير من اصحاب البشره الجافه مش بيستخدموا بودره لتثبيت الفاونديشن اعتقادًا منهم انها هتخلي بشرتهم شكلها جاف و بدون لمعه صحيه لكن للاسف ده مش صح لان البودره مش بس مهمتها تثبيت الفاونديشن مكانه هي كمان بتمنع تراكم الاتربه علي وشك خصوصًا ان كلنا عارفين اي سطح رطب الاتربه بتترسب فوقه بسهوله جدًا ، فـ عشان تحمي بشرتك من ظهور مشاكل زي الحبوب مثلًا منصحكيش ابدًا تستخدمي فاونديشن بدون باودر فوقه، و انا في الموضوع ده هرشحلك افضل بودر للبشرة الجافةو اللي كلهم مش هينشفوا بشرتك ابدًا.

أرخص بودره للبشره الجافه

كل نوع بشره بالتأكيد لازم يدور علي خواص معينه موجوده في المنتج اللي بيستخدمه و علشان تستخدمي باودر مناسبه لنوع بشرتك الجافه ابعدي تمامًا عن اي باودر مكتوب عليها Matte او Oil Free لانها هتجفف بشرتك اكتر و كمان هتظهر شكل الميك اب علي بشرتك وحش جدًا ، الافضل تستخدمي باودر تبان طبيعيه علي بشرتك بدون ما تتسبب في جفافه او تظهر قشور موجوده في البشره بالفعل و انصحك تبعدي عن الاستخدام المكثف لاي باودر loose لانها ممكن كمان تجفف بشرتك.

افضل بودرة للبشرة الجافة

زي اي منتج فـ بودرات البشره الجافه برده بتختلف علي حسب اسعارها و انتي تقدري تختاري المناسب ميزانيتك و احتياجك ، سوف نرشحلك افضل بودرة للبشرة الجافة باسعار متفاوته علشان الكل يستفيد قدر الامكان.

10- نارس اول داي لومينوس باودر / Nars All Day Luminous Powder

Nars Powder

افضل بودرة للبشرة الجافة تتميز بجودتها العاليه و شكلها الطبيعي جدًا علي البشره ، غير انها كمان تقدري تستخدميها علي بشرتك بشكل مباشر بدون فاونديشن لانها هتقدر تديكي تغطيه لطيفه و ناعمه علي البشره ، للاسف مش متوفره في مصر و زي ما وضحنا سعرها عالي لكن متوفر منها درجات كتير كما تعد افضل بودرة مضغوطة للبشرة الجافة.

يبلغ سعرها حوالي 130 جنيه مصري.


9- ايسنس برايتن اب بانانا باودر / Essence Brighten Up Banana Powder

Essence Powder
Essence Powder

افضل باودر للبشره الجافه حيث ان سعرها رخيص جدًا و متوفره في مصر بسهوله و كمان حجمها كبير و تناسب البشره الجافه او الدهنيه لانها مش بتطفي لمعة الوش بشكل كامل و في نفس الوقت بتثبت الفاونديشن مكانه فتره كويسه. لكن مشكلتها ان مفيش منها غير درجه واحده و هي البانانا و دي مش هتناسب غير البنات القمحيه و السمرا بس.

يبلغ سعرها حوالي 63 جنيه مصري.


8- لا جيرل برو فيس هاي ديفينيشن باودر / L.A Girl Pro- Face Hd Powder

L.a girl powder
L.a girl powder

باودر لاجيرل أفضل بودرة للوجه للبشرة الجافة سعرها متوسط و تناسب كل أنواع البشره مش بس البشره الجافه و ده لان اللوك النهائي ليها مخملي و ناعم جدًا مش مطفي لكن كمان مش لامع ، درجاتها مش كتيره لكنها تقدر تغطي الوان بشره كتير و ميزتها الكبيره ان تغطيتها عاليه فـ لو بشرتك فيها مشاكل كتير تقدري تستخدميها بدون قلق، مشكلتها انها مش متوفره في مصر غير اونلاين بس.

يبلغ سعرها حوالي 200 جنيه مصري.


7- ريڤلون كلر استاي بريسد باودر / Revlon Color Stay Pressed Powder

Revlon Powder
Revlon Powder

فاونديشن ريفلون من اشهر الفاونديشنات علي مستوي العالم و رغم ان الباودر من نفس اللاين ” كلر استاي ” مش مشهوره الا انها واحده من افضل باودر للبشره الجافه علي الاطلاق و تغطيتها عاليه جدًا و مناسبه جداً للسهرات و لكن منصحش بيها للاستخدام اليومي ، مشكلتها الكبيره هي انها بتبان تقيله شويه علي البشره و مش متوفره غير اونلاين فقط في مصر بدرجات محدوده.

يبلغ سعرها حوالي 305 جنيه مصري.


6- ميلاني بريب + سيت + جلو الومينيتج باودر / Milani Prep + Set + Glow illuminating Powder

Milani Powder
Milani Powder

بودرة ميلاني بريب اند جلو أفضل بودرة للوجه للبشرة الجافة متميزه خاصةً للبشرات المجهده لانها مش بس بتثبت الفاونديشن هي كمان بتضفي علي البشره لمعه صحيه و ترجع للبشره الجافه الحيويه اللي بتفتقدها و كمان ميزتها ان متاح منها درجه شفافه مش هتغير ابدًا من لون الفاونديشن لكنها هتثبته ، صعب تواجدها حتي اونلاين في مصر رغم انها متوفره بسهوله في الخليج و سعرها متوسط.

يبلغ سعرها حوالي 150 جنيه مصري.


5- ويت ان وايلد فوتو فوكس باودر / Wet N Wild Photo Focus Powder

Wet N Wild Powder
Wet N Wild Powder

باودر مناسبه جدًا لكل أنواع البشره و ميزتها عن باقي الأنواع انها مختبره في 7 اضاءات و تقدري تتصوري بيها بكل امان لانها مش بتعكس الاضاءه و تبين شكل الميك اب وحش ، سعرها مناسب جدًا لكل الفئات و حجمها كبير ، فيها عيب و هو ان موجود فيها ذرات جليتر صغيره جدًا و ده ممكن يعتبر مشكله لناس كتير ، تقدري تستخدميها مع الفاونديشن من نفس اللاين لو عاوزه لوك ميك اب مميز للسهرات و التصوير الاحترافي.

يبلغ سعرها حوالي 200 جنيه مصري.


4- بورجوا هيلثي ميكس باودر / Bourjois Healthy Mix Powder

Bourjois healthy mix powder
Bourjois healthy mix powder

واحده من افضل بودر للبشرة الجافة علي الجلد و شكلها طبيعي جدًا بالاضافه لتغطيتها المتوسطه، كما ان الدرجات المتاحه في مصر قليله فـ مش هتناسب كل درجات البشره وفيها ميزه جميله جدا و هي انها مدعمه بفيتامينات مغذيه للبشره و ده اللي بيساعد في انها تبان علي البشره بشكل ناعم و صحي.

يبلغ سعرها حوالي 300 جنيه مصري.


3- لوريال باريس انفاليبل برو جلو / L’Oréal Paris Infallible Pro Glow Powder

Loreal infallible powder
Loreal infallible powder

من أفضل 10 أنواع بودرة للبشرة الجافه لانها بتثبت الميك اب من غير ما تحوله لـ Matte او تظهر البشره بشكل جاف بالعكس بيكون اللوك النهائي طبيعي جداً و مش بتظهر عيوب البشره او بتبين جفافها و القشور اللي فيها زياده، ميزتها كمان ان ليها درجات و بتدي تغطيه علي البشره بتعلي من تغطية الفاونديشن.

يبلغ سعرها حوالي 165 جنيه مصري.


تعرفي على:- كريم مرطب لجميع أنواع البشرة

2- مايبيلين فت مي سيت اند سموز / Maybelline fit me set and smooth powder

Maybelline Powder
Maybelline Powder

من أفضل 10 أنواع بودرة للبشرة الجافه و هي فعلا تستحق الشهره دي. حيث انها تتميز بنقط كتير زي التنوع الكبير في درجاتها و اللي بيخليها تناسب الوان بشره كتير. غير سعرها الرخيص و توفرها في مصر بسهوله و كمان شكلها الطبيعي علي البشره. هي بتقدر تثبت الفاونديشن والكونسيلر علي البشره فتره طويله. و تقدري تستخدميها في السهرات لكن مشكلتها ان تغطيتها خفيفه جدًا فـ مش هتناسب البشرات اللي فيها عيوب كتير.

يبلغ سعرها حوالي 245 جنيه مصري.


1- لوريال باريس ترو ماتش سوبر بلندبل / L’Oréal Paris True Match Super Blendable

لوريال باريس ترو ماتش سوبر بلندبل
لوريال باريس ترو ماتش سوبر بلندبل

تعتبر افضل باودر للبشره الجافه رخيصه مناسبه للبشره الجافه و ده لانها خفيفه جدًا علي البشره. وفي نفس الوقت بتساعد في انها تعلي من تغطية الفاونديشن. وتتميز بنقطه مهمه جدًا مش سهل تلاقيها في اي باودر. وهي انها قابله للبناء بمعني انك لو احتاجتي تزيدي منها طبقه تانيه مش هتبان بشكل وحش. وهتفضل ناعمه علي الجلد حتي لو الكمليه زادت منك شويه. متوفره في مصر بسهوله

يبلغ سعرها حوالي 275 جنيه مصري.


أفضل 10 أنواع كريم اساس للبشرة الجافة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى