جمال

أفضل 10 أنواع تونر للبشرة الدهنية بالأسعار

أفضل 10 أنواع تونر للبشرة الدهنية بالأسعار نقدمها لكم في مقالنا هذا حيث ان كثير من البنات لا بتهتم باستخدام تونر وحتي متعرفش اهميته او ليه اصلًا مفروض نستخدمه رغم انه خطوه مهمه جدًا في العنايه بالبشره وهو الخطوه التانيه بعد الغسول وبيكون عباره عن سائل تمسحي بيه بشرتك ودوره الاول و الاساسي هو معادلة درجة حموضة البشره خصوصًا ان في الغالب الغسول بيتسبب انه يخلي وسط بشرتنا قاعدي و ده عكس طبيعتها اصلًا فالتونر بيقدر يوازن حموضة البشره او الـ PH، غير كده كمان هو بينضف البشره بعمق و ضروري استخدامه بعد يوم طويل او لما تمسحي الميك اب لذلك وفرنا لكي أفضل 10 أنواع تونر للبشرة الدهنية بالأسعار.

أهمية التونر للبشره الدهنيه

كمان تونر البشرة الدهنية مهمته الكبيره هي انه قابض للمسام علشان كده ضروري تستخدميه لو بشرتك دهنيه لان البشره الدهنيه هي اكتر بشره معرّضه لمشكلة المسام الواسعه ، التونر مش بس مجرد سائل بينضف البشره لكن كل نوع بيحتوي علي مكونات فعاله فيه بتهدف لحل مشكله معينه زي ان افضل انواع التونر للبشرة الدهنية بتكون غالبًا فيها أحماض مقشره زي حمض السالسيلك او حمض الجليكوليك و غيرهم كتير ، و بيكون الهدف من وجود المكونات دي هو تجديد خلايا البشره و الحد من افراز الدهون و كمان السيطره علي ظهور الحبوب.

تونر للبشرة الدهنية بالاسعار

تابعي معنا أفضل 10 أنواع تونر للبشرة الدهنية بالأسعار.

10- ثايرز ويتش هازل فيشال تونر / Thayers Witch Hazel Toner

Thayers Toner

تقريبًا ده اشهر تونر في العالم و اتعمل عليه ضجه كبيره جدًا و تقريبًا مفيش بنت مجربتوش او علي الاقل سمعت عنه و كان نفسها تجربه و يقال انه تونر المشاهير ، هو عباره عن مياه ورد عضويه بالاضافه الي خلاصة الصبار لكنه للأسف اقل من كل التوقعات هو مش مضر للبشره في اي شئ لكنه مش بينفعها برده بأي شئ ، ممكن لو بشرتك مفيهاش اي مشاكل تستخدميه و تكوني حطاه في التلاجه قبلها بحيث يدّي لبشرتك انتعاش و يقدر يقبض المسام.

يبلغ سعره حوالي 990 جنيه مصري.


9- أڤين كلينانس ميسلار ووتر / Avène Cleanance Micellar Water

Avene Micellar Water
Avene Micellar Water

من افضل انواع التونر للبشرة الدهنية الميسلار ووتر او مياه الميسلار دي موجوده في ماركات كتير و وظيفتها الاساسيه هي ازالة الميك اب و الشوائب من البشره علشان كده ناس كتير اوي بتفضّل استخدامها بدل التونر و في ناس تانيه بتقول ان اصلًا مش صح نسيب الميسلار ووتر علي بشرتنا و المفروض نغسلها لانها بتفضل تشتغل و تنشف الجلد ، و عمومًا لو انتي هتمشي بالمبدأ الاول و حابه تستخدميها فـ ميسلار ووتر أڤين ممتازه الحقيقه و بتنقي البشره جدًا و ميزتها انها مش بتسيب اي طبقه علي الجلد لكن شخصيًا مش بفضّل استخدام الميسلار ووتر كـ تونر علشان كده اعتبرتها في المرتبه التاسعه لو هنقيّمها كـ تونر.

يبلغ سعرها 200 جنيه مصري.


8- نوكس اكوابيلا بيوتي ريڤيلينج لوشن / Nuxe Aquabella Beauty-Revealing Essence-Lotion

Nuxe Toner
Nuxe Toner

من افضل انواع التونر للبشرة الدهنية وده راجع لانه مش بيقلل افراز الدهون بصوره كبيره و لطيف جدًا علي الجلد ، غير كده كمان هو فيه مواد مرطبه زي حمض الهيالورونيك المعروف انه بيرجع الرطوبه للجلد مره تانيه لكنه كمان بيحتوي علي مكونات بتنظم افراز الدهون و بتحسن ملمس البشره و مظهرها كمان ، متوفر في اي صيدليه كبيره

يبلغ سعره حوالي 360 جنيه مصري وحجمه 200 مل.


7- حياه سيباكلار تونيك لوشن / Hayah Sebaclar Tonic Lotion

Sebaclar Toner
Sebaclar Toner

بنات كتير بتدور طول الوقت علي تونر سعره رخيص لكن المشكله ان صعب جدًا تلاقي تونر رخيص بس التونر ده وكمان حجمه كبير، مناسب جدًا للبشره الدهنيه لانه بيقلل افراز الدهون بشكل كبير و كمان بيساعد في تصغير حجم المسام مع الاستخدام المنتظم لكنه بينشف البشره شويه ، تقدري تلاقيه في كل الصيدليات حيث انه من افضل انواع التونر للبشرة الدهنية.

يبلغ سعره حوالي 194 جنيه مصري.


6- كوزركس Aha Bha كلريفاينج تونر / Cosrx Aha Bha Clarifying Tone

Cosrx Toner
Cosrx Toner

افضل تونر للبشرة الدهنية هي اللي بيكون مكوناتها الاساسيه أحماض لان البشره الدهنيه صديقه للاحماض جدًا و التونر ده عظيم لانه بيحتوي علي أحماض فواكه و دي من أقوي الأحماض علي الاطلاق و بتساعد بشكل كبير جدًا في تجديد خلايا الجلد و التخلص من الحبوب و كمان التصبغات.

يبلغ سعره حوالي 585 جنيه مصري.


5- فارماسيرز نورماليزنج تونر / Pharmaceris NORMALIZING TONER

Pharmaceris toner
Pharmaceris toner

تونر فارماسيرز من افضل انواع التونر للبشرة الدهنية كما يعتبر من المنتجات اسعارها متوسطه و كمان فاعليتها متوسطه فـ تقدري تستخدمي منتجات فارماسيرز لانها هتحققلك الهدفين دول و تونر البشرة الدهنية و ان كان مش بيوازن افراز الدهون بصوره كبيره لكنه مقارنًة بسعره فـ هو كويس جدًا ، بينضف البشره بعمق و فعلًا بيسحب منها اي اتربه او دهون متراكمه او حتي بقايا ميك اب.

يبلغ سعره حوالي 230 جنيه مصري.


4- ڤيشي بيوريتيه ثيرمال 3×1 كلينسنج مسيلار سوليوشن / Vichy Purete Thermal 3 in 1 cleansing micellar solution

Vichy Toner
Vichy Toner

تونر البشرة الدهنية ده من ڤيشي مش مجرد تونر هو بيوعد بتنظيف عميق للبشره و كمان مزيل لـ مكياج العيون و برده تونر و بالفعل هو بينضف البشره كويس جدًا و بيديها انتعاش رهيب بالاضافه لانه مش بيحسس البشره نهائي بالعكس بيهدّيها جدًا و بيقلل اي احمرار فيها خاصةً بعد التعرض للشمس او ازالة شعر الوجه ، تقدري تمسحي بيه ميك اب العيون في حالة انه مش مقاوم للمياه بدون ما يحسس عينك لو دخل فيها ، مفيهوش اي مواد فعاله تهدف لمشاكل البشره الدهنيه لكنه بيحد من ظهور الحبوب.

حجمه 200 مل يبلغ سعره 599 جنيه مصري.


3- ذا بادي شوب تي تري سكين كليرينج تونر / Tea Tree Skin Clearing Mattifying Toner

The Body Shop Toner
The Body Shop Toner

ذا بادي شوب ماركه غير طبيه لكنها اثبتت كفاءة منتجاتها من سنين كتيره جدًا و منها لاين شجرة الشاي الخاص بالبشره الدهنيه و اللي يعتبر أفضل منتجاتها و اعلاها مبيعًا ، و تونر البشرة الدهنية ده بخلاصة شجرة الشاي من افضل التونرات اللي ممكن تجربيها لو بشرتك دهنيه لان زيت شجرة الشاي معروف بقدرته العاليه علي التخلص من الحبوب و الدهون الزياده في البشره ، بتستخدميه علي قطنه و ضروري ترجيه قبل الاستخدام علشان يندمج مع بعضه و تقدري تستفيدي منه ، مش متوفر غير في فروع ذا بادي شوب الموجوده في مولات مصر الكبيره للأسف

يبلغ سعره حوالي 550 جنيه مصري.


2- بيكسي جلو تونيك 5% جليكوليك اسيد / Pixi Glow Tonic 5% Glycolic Acid

Pixi Toner
Pixi Toner

افضل تونر للبشرة الدهنية وبالفعل يستحقها لانه تونر خالي من الكحول و بيحتوي علي 5% من حمض الجليكوليك اللي يعتبر من اقوي أحماض الفواكه اللي بتساعد في تجديد خلايا الجلد و اعطاؤه النضاره و اللمعان الصحي ، بينصح بالتدرج في استخدامه بمعني انك في البدايه تستخدميه مرتين في الاسبوع و بعد كده تقدري تستخدميه يوم و يوم و في النهايه لما بشرتك تتعود عليه ممكن تستخدميه مرتين في اليوم عادي ، بيحتوي علي الصبار لتلطيف الجلد و ممكن تستخدميه قبل الماب و بعد ازالته، مشكلته انه للاسف غير متوفر في مصر الا اونلاين

يبلغ سعره حوالي 604 جنيه مصري لحجم 100 مل.


1- لاروش بوزاي ايفاكلار استرينجينت لوشن / La Roche Posay Effaclar Astringent Lotion

La roche posay toner
La roche posay toner

في اسباب كتير تخلينا نعتبر التونر ده افضل تونر للبشرة الدهنية متوفر في مصر اولها فعلًا هي نقطة التوفر لانك سهل تلاقيه في اي صيدليه كبيره ، كمان هو تونر بيحتوي علي نسبه عاليه من المياه الحراريه اللي بتساعد بدورها في تلطيف الجلد بالاضافه لحمض السالسليك المعروف بانه صديق ممتاز للبشره الدهنيه و ده لانه بيدوب اي اتربه او اوساخ او دهون زياده متراكمه في المسام و بالتالي بيقلل من فرصة ظهور الحبوب في البشره ، بيحتوي علي الكحول و ده ممكن يسبب جفاف في البشره فـ الافضل منستخدموش بشكل يومي.

يبلغ سعره حوالي 350 جنيه مصري وحجمه 200 مل.


أفضل 10 تونر طبيعي قابض للمسام للبشرة الدهنية

المنتج السعر
1- لاروش بوزاي ايفاكلار استرينجينت لوشن / La Roche Posay Effaclar Astringent Lotion يبلغ سعره حوالي 350 جنيه مصري
2- بيكسي جلو تونيك 5% جليكوليك اسيد / Pixi Glow Tonic 5% Glycolic Acid يبلغ سعره حوالي 604 جنيه مصري
3- ذا بادي شوب تي تري سكين كليرينج تونر / Tea Tree Skin Clearing Mattifying Toner يبلغ سعره حوالي 550 جنيه مصري
4- ڤيشي بيوريتيه ثيرمال 3×1 كلينسنج مسيلار سوليوشن / Vichy Purete Thermal 3 in 1 cleansing micellar solution يبلغ سعره 599 جنيه مصري
5- فارماسيرز نورماليزنج تونر / Pharmaceris NORMALIZING TONER يبلغ سعره حوالي 230 جنيه مصري
6- كوزركس Aha Bha كلريفاينج تونر / Cosrx Aha Bha Clarifying Tone يبلغ سعره حوالي 585 جنيه مصري
7- حياه سيباكلار تونيك لوشن / Hayah Sebaclar Tonic Lotion يبلغ سعره حوالي 194 جنيه مصري
8- نوكس اكوابيلا بيوتي ريڤيلينج لوشن / Nuxe Aquabella Beauty-Revealing Essence-Lotion يبلغ سعره حوالي 360 جنيه مصري
9- أڤين كلينانس ميسلار ووتر / Avène Cleanance Micellar Water يبلغ سعرها 200 جنيه مصري
10- ثايرز ويتش هازل فيشال تونر / Thayers Witch Hazel Toner يبلغ سعره حوالي 990 جنيه مصري
اسعار التونر للبشره الدهنيه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى