جمال

أفضل 10 أنواع كونسيلر خافي عيوب

أفضل 10 أنواع كونسيلر خافي عيوب، اسوأ حاجه بتواجهها اي بنت هي انها تبص في المرايه و تلاقي عينيها شبه عيون الباندا حواليها اسود و للاسف علاج الهالات السوده صعب جداً خاصةً لو وراثيه ، و لان اغلبنا ان مكنش كلنا بقي يلجأ لاستخدام خافي عيوب كونسيلر علشان يداري الهالات اللي مش من السهل علاجها فـ كتير برده مننا بيقع في غلطات كتير تخلي شكل عينه اسوأ بالميك اب مش احسن ، علشان كده في المقاله دي هنتكلم عن أفضل 10 أنواع كونسيلر خافي عيوب و كمان هقولكم علي تريكات تخلي شكل عينيكي احلي و حتي لو هالاتك قويه هتقدري تداريها بشكل احترافي و حلو.

مبدئياً و اللي لازم كلنا نبقي عارفينه ان مفيش بنت مش حلوه و ان احنا بشر و اي عيب في بشرتك عادي جدًا و وارد مينفعش ابدًا تخجلي منه فـ لو مثلاً الهالات السوداء عندك غامقه اوي و بتخرجي بشكل يومي منصحكيش بانك تداريها تمامًا لان علشان تخفيها بشكل كامل محتاجه تستخدمي منتجات كتير و تقيله و ده مش صح ابدًا لـ كل يوم فـ نصيحتي ليكي هي انك تتقبلي وجودها او تستخدمي خافي عيوب كونسيلر خفيف يحسن من مظهر عيونك و تتقبلي فكرة انه مش هيخفيها تمامًا ، و لو رايحه سهره او عندك مناسبه مهمه و حابه تخفي الهالات تماماً هقولك تعملي ايه.

علشان نخفي الهالات تمامًا و متبقاش ظاهره خالص لازم نمشي علي خطوات معينه خصوصًا لو زي ما قولت الهالات قويه و غامقه جدًا، و الخطوات دي هي :

تغطية الهالات السوداء

  • خطوة ترطيب محيط العين دي خطوه اساسيه مينفعش ابدًا تستغني عنها حتي بعيدًا عن الميك اب لازم تهتمي جدًا بترطيب محيط العين، و بشكل خاص الترطيب ده هيفيدك جدًا قبل الكونسيلر لانه هيبيّن الكونسيلر ناعم مش جاف و شكله مخطط.
  • لو الهالات عندك غامقه ضروري تستخدمي كوريكتور ( Corrector ) لونه Orange يصحح لون الهالات قبل ما تبدئي تداريها و لو بشرتك نفسها لونها فاتح استخدمي كوريكتور مشمشي ( Peachy ).
  • مينفعش ابدًا تستخدمي خافي عيوب كونسيلر افتح منك و لا حتي لونك بالظبط، الصح تستخدمي كونسيلر اغمق منك علشان لما تحطيه علي الهالات اللي هي اصلًا غامقه ميقلبش لونه رمادي.
  • بعد ما استخدمنا كونسيلر لونه غامق هنستخدم كونسيلر لون بشرتنا علشان يبقي تحت عينينا نفس لون بشرتنا.
  • تقدري تستخدمي خافي عيوب كونسيلر تالت افتح من لونك درجه واحده علشان ينوّر تحت العين و لو مش حابه و بتفضلي انك تكتفي بالكونسيلر اللي نفس لونك دي حريه شخصيه.
  • علشان الكونسيلر ميخططش و يفضل شكله كويس، فـ انتي محتاجه تثبتيه بالباودر و الصح انك تبصي لفوق و تدمجي اي خطوط عملها خافي عيوب كونسيلر تحت عينك و فورًا تثبتي بالباودر علشان تملي الخطوط دي.

كونسيلر خافي عيوب

وفرنا لك في مقالنا هذا أفضل 10 أنواع كونسيلر خافي عيوب.

10- ان واي اكس HD استوديو فوتوچينيك كونسيلر / NYX HD Studio Photogenic Concealer

NYX Concealer

ان واي اكس من افضل كونسيلر دراج ستور رغم ان اسعارها برده مش في متناول الجميع لانها مش رخيصه اوي بس خافي عيوب كونسيلر ده منها لطيف جدًا للاستخدام اليومي لانه كونسيلر خفيف و مش بيعمل طبقه تقيله تحت العين، لكن في نفس الوقت هو تغطيته خفيفه يعني لو تحت عينك غامق اوي مش هيناسبك، مبيدخلش في الخطوط خالص و مش مقاوم للمياه.

يبلغ سعره حوالي 565 جنيه مصري.


9- مايبيلين ايدچ روايند كونسيلر / Maybelline Instant Age Rewind Concealer

Maybelline Age Rewind Concealer
Maybelline Age Rewind Concealer

يعد من افضل كونسيلر دراج ستور حيث انه كونسيلر اخد ضجه كبيره جدًا علي مستوي العالم و قالوا انه بيخفي الخطوط و الهالات تمامًا و كمان بيعالجها و الحقيقه انه و عن تجربه شخصيه ميستحقش الضجه دي ابدًا لانه بيدخل في الخطوط تحت العين جدًا و بيبيّن الشكل كأنك كبيره في السن و عندك تجاعيد، رغم كده هو تغطيته ما بين المتوسطه و العاليه و درجاته متنوعه رغم انها مش كتيره و انصحك بيه بس لو مش عندك خطوط او تجاعيد.

يبلغ سعره حوالي 307 جنيه مصري.


8- مايبيلين فيت مي كونسيلر / Maybelline Fit Me Concealer

Maybelline Fit Me Concealer
Maybelline Fit Me Concealer

واحد من افضل كونسيلر دراج ستور اللي اتشهرت و كتير من الناس بتفضّله و هو فعلًا خافي عيوب كونسيلر لطيف للاستخدام اليومي و السريع لان تغطيته خفيفه و احساسه كمان تحت العين خفيف و مش بيدخل في الخطوط لكن درجاته المتوفره في مصر مش كتيره و ده يخليه مناسب اكتر للبشرات الفاتحه او القمحيه الفاتحه، كمان هو تغطيته خفيفه فـ مش هيناسب البنات اللي عندها هالات سوده قويه،

يبلغ سعره حوالي 215 جنيه مصري.


7- لاجيرل برو كونسيل HD كونسيلر / L.A. Girl Pro Conceal HD Concealer

L.A Girl Concealer
L.A Girl Concealer

رغم شهرة الكونسيلر ده الا انه مش افضل كونسيلر ابدًا، مع ان درجاته كتيره جدًا و تناسب من افتح لون بشره لاغمق لون بشره لكنه له عيوب زي ان تغطيته من خفيفه لـ متوسطه رغم ان ناس كتير قالت تغطيته عاليه و ده خيّب توقعات ناس كتير، غير كده كمان هو يعتبر اكتر خافي عيوب كونسيلر بيظهر الخطوط بشكل كبير و بيجفف تحت العين، لكن نقدر نعدّيله عيوب كتير لانه رخيص و تغطيته المتوسطه تناسب ناس كتير كمان هو SweatProof بمعني انه مش هيتمسح او هيكتّل لو عرقتي او لو جفن عينك دهني و دي حاجه مهمه.

يبلغ سعره حوالي 153 جنيه مصري.


6- ويت ان وايلد فوتو فوكس كونسيلر / Wet n Wild PhotoFocus Concealer

Wet N Wild Concealer
Wet N Wild Concealer

من افضل كونسيلر دراج ستور حيث ان ويت ان وايلد تفوقت علي نفسها جدًا في خط انتاج فوتو فوكس لانه خط بيوعدك بتصوير احترافي بدون ما يعمل فلاش باك و هو فعلًا كده بس الحقيقه انه اصلًا خافي عيوب كونسيلر مش صح تستخدميه في ميك اب تقيل او مناسبات لانه خفيف جدًا من ناحية التغطيه او الملمس نفسه و مناسب اكتر للاستخدام اليومي او الصباحي، ميزته كمان انه مش بيدخل في الخطوط ابدًا تحت العين و يبرزها اكتر .

يبلغ سعره حوالي 145 جنيه مصري.


5- بورجوا راديانس ريفيل كونسيلر / Bourjois Radiance Reveal Concealer

Bourjois Concealer
Bourjois Concealer

كونسيلر بورجوا راديانس ريفيل بيوعد بترطيب محيط العين و في نفس الوقت يصحح لون الهالات السودا بالاضافه لانه يدّي لمعه و ضي للمنطقه دي و بالفعل هو بيعمل اللي بيوعد بيه و بالتالي هو مناسب جدًا للبنات اللي محيط العين عندها جاف جدًا لانه هيديّيها ترطيب ممتاز و فس نفس الوقت تغطيه لكن تغطيه متوسطه مش عاليه، كما هو متوفر في مصر و للاسف درجاته مش كتيره لكن فعلًا من افضل خافي عيوب كونسيلر.

يبلغ سعره حوالي 220 جنيه مصري.


4- كاتريس ليكويد كاموفلاج كونسيلر / Catrice Liquid Camouflage Concealer

Catrice Concealer
Catrice Concealer

كونسيلر كاتريس فعلًا يستحق يكون من افضل خافي عيوب كونسيلر علي الاطلاق و ده لانه تغطيته ما بين المتوسطه و العاليه و كمان هو مضاد للتعرق و المياه و ده بيخليه ثابت جدًا تحت العين و مناسب اوي للبنات اللي جفن عينيها دهني، لكن مشكلته انه مش مناسب للاستخدام اليومي لانه تقيل و هيسبب ارهاق لمنطقة حوالين العين مع الاستخدام الكتير، الحلو فيه كمان انه مش بيبرز الخطوط و تقدري تسيطري علي المشكله دي بتثبيته بالباودر بالطريقه اللي وضحتها فوق و للاسف مش متوفر منه غير 4 درجات كلها للبشره الفاتحه.

يبلغ سعره حوالي 275 جنيه مصري.


3- لوريال انفالبل مور ذان كونسيلر / L’Oreal Infallible More Than Concealer

L'Oreal Infallible More Than Concealer
L’Oreal Infallible More Than Concealer

أفضل كونسيلر فل كفر حيث يعتبر الكونسيلر اللي اتقارن بكونسيلرز من ماركات عاليه كتير. وكان فعلًا باختلاف السعر بينهم يستحق يدخل المقارنه سعره يمكن عالي شويه لكن يستحق السعر ده لان منه درجات كتير هتناسب الوان بشره كتير بالاضافه لان تغطيته ما بين المتوسطه و العاليه، ممكن بيدخل في الخطوط شويه للاسف و ده عيبه لكن نقدر نسيطر علي المشكله دي بالباودر و كمان بيميزه ثباته.

يبلغ سعره حوالي 344 جنيه مصري.


2- ريڤلوشن كونسيل & ديفاين كونسيلر / Revolution Conceal & Define Concealer

أفضل 10 أنواع كونسيلر خافي عيوب.webp
Revolution Concealer

أفضل كونسيلر فل كفر حيث ان ريڤلوشن من الماركات القويه جدًا في عالم الميك اب. و اللي اثبتت وجودها و مكانتها في فتره بسيطه من ظهورها. و خافي عيوب كونسيلر مميزاته كتير اوي زي تغطيته العاليه. هو طبعًا ميقدرش يخفي الهالات 100%. لكنه بيخفيها بنسبه كبيره و ميزته القويه انه سهل تلاقي درجتك فيه لان درجاته كتير. ثباته عالي جدًا و بالتأكيد مينفعش ابدًا للاستخدام بشكل يومي علشان تتفادي اي مشاكل ممكن يسببهالك. تقدري تستخدميه كمان لو انتي بروفيشنال ميك اب ارتست.

يبلغ سعره حوالي 324 جنيه مصري


1- ميلاني كونسيلر + بيرفكت لونج وير كونسيلر / Milani Conceal + Perfect Longwear Concealer

Milani Concealer
Milani Concealer

أفضل كونسيلر فل كفر و اللي مميزاته كتير اوي. كما انه تغطيته عاليه و درجاته كتير جدًا و دي ميزه مهمه. كمان ثباته عالي فـ مناسب اوي للاستخدام في المناسبات و لو بتعرقي كتير. كمان شكل العبوه بتاعته كمان شيك اوي و قيمه. عيبه انه مش مناسب للاستخدام اليومي لانه تقيل وكمان مش متوفر غير اونلاين فقط لكن مميزاته كتيره.

يبلغ سعره حوالي 385 جنيه مصري


أفضل 10 أنواع كونسيلر طبي للعين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى